talae forever

منتدي لطلبة المدارس فقط
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بعض رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yara
Admin
avatar

عدد المساهمات : 11
تاريخ التسجيل : 15/01/2010
العمر : 20
الموقع : الجيزة مصر

مُساهمةموضوع: بعض رباعيات صلاح جاهين   الثلاثاء يناير 19, 2010 11:53 am

صلاح جاهين /

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!


صلاح جاهين/

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!


صلاح جاهين/

نظرت في الملكوت كتير وانشغلت

وبكل كلمةْ ( ليه ؟ ) و ( عشانيه ) سألت

اسأَل سؤال .. الرد يرجع سؤال

واخرج وحيرتي أشد مما دخلت

عجبي !!


صلاح جاهين/

عيني رأت مولود على كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!


صلاح جاهين /

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!


صلاح جاهين /

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!


صلاح جاهين /


وقفت بين شطين على قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!


صلاح جاهين /

يا باب يا مقفول ... إمتى الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!


صلاح جاهين/


هات يا زمان و هات كمان يا زمان

غير بسمة الشجعان مامني يــــبان

هو اللي داق الفرحة يوم ثورتـــــه

يقدر يعود و لا ثانية للأحــــــزان ؟

عجبي!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://talaeforever.ahlamontada.net
 
بعض رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
talae forever :: منتدي همس القوافي للأشعار المنقولة-
انتقل الى: